كيكة المكرونه باللحمه المفرومه غريبه مش كده طيب تعالوا شوفوا هانعملها ازاي بالصور

متعصبه ومحتاره تعملي ايه علي غدا انهارده

عاوزه تجددي في اكلاتك ومش عارفه تعملي ايه

وفنفس الوقت مش عاوزه تقفي كتير في المطبخ

ولا تغسلي اطباق كتير بعد ما تحضري الاكل

ومع كده تعملي حاجه كل العيله تحبها ويتسبقوا عشان يخلصوها

اكيد يبقي الطبق ده هو الحل الامثل ليكي واللي مافيش ولا اسهل ولا اسرع منه في التحضير

واكيد اكيد كلهم هايحبوه

مين مش بيحب المكرونه

ايوه طبقنا النهارده عباره عن فطيرة مكرونه باللحمه المفرومه

رغينا كتير

يلا بقي قدامي علي المطبخ

هانحتاج الآتي :

[ندعوك للتسجيل في المنتدى أو التعريف بنفسك لمعاينة هذه الصورة]

طماطم مفرومه ناعم
ثوم طازج
جبنة موزاريلا مبشورة
جبنه رومي او بارميجانو مبشورة

[ندعوك للتسجيل في المنتدى أو التعريف بنفسك لمعاينة هذه الصورة]

لحمه مفرومه
زيت زيتون
زبده
مكرونه اقلام زي اللي في الصوره
وطبعا ملح وفلفل

الكميات انتي اللي هاتحديدها علي اد ما تحبي

[ندعوك للتسجيل في المنتدى أو التعريف بنفسك لمعاينة هذه الصورة]

نصفيها ونشطفها بماء جاري
وماتنسوش تحطوا شوية من زيت الزيتون في مية السلق عشان
المكرونه ما تلزقش في بعضها

اول حاجه نسلق المكرونه في ماء مغلي عليه ملح وفلفل

[ندعوك للتسجيل في المنتدى أو التعريف بنفسك لمعاينة هذه الصورة]
في طاسه مناسبه نضيف اللحم المفروم ونقلبه دقيقتين علي النار مع الثوم المفروم
وملح وفلفل وملعقتين زيت زيتون

ونقلب لحد ما ياخد اللون البني

[ندعوك للتسجيل في المنتدى أو التعريف بنفسك لمعاينة هذه الصورة]

بعد كده نضيف الطماطم ونقلب كويس ونسيبها تتسبك علي النار حوالي 20 دقيقه
لحد ما قوامها يتخن

[ندعوك للتسجيل في المنتدى أو التعريف بنفسك لمعاينة هذه الصورة]

في الوقت ده نبدأ نقلب المكرونه مع الجبنه الرومي المبشوره ومللعقتين زيده سايحه

[ندعوك للتسجيل في المنتدى أو التعريف بنفسك لمعاينة هذه الصورة]

ونرصها بالشكل ده في صينيه جوانبها ممكن تتفك
وطبعا ما ننساش ندهن الصينيه بالزبده الاول ونرش القاعده بالبقسماط
الناعم عشان تطلع بسهوله

[ندعوك للتسجيل في المنتدى أو التعريف بنفسك لمعاينة هذه الصورة]
بعد ما اللحمه تتسبك نبدا نرشها علي وحدات المكرونه ونحاول نحشي
كل واحده باللحمه كويس اوي

[ندعوك للتسجيل في المنتدى أو التعريف بنفسك لمعاينة هذه الصورة]
واوعوا تسيبوا حاجه فاضيه عشان ده هايأثر علي الشكل النهائي
زي ما حصل معايا

[ندعوك للتسجيل في المنتدى أو التعريف بنفسك لمعاينة هذه الصورة]

في الاخر خالص نحط الجبنه الموزاريلا علي الوش

بعد ما نرش الجبنه علي الوش

ندخلها الفرن اللي بنكون مسخنينهم قبل كده

نسيبها حوالي 10 او 15 دقيقه لح ما الجبنه تسيح و وشها يحمر

نفك جوانب الصينيه ونقدمها ساخنه وممكن لو فيه صوص لحمه متبقي يتحط جمبها

دا شكلها من فوق

[ندعوك للتسجيل في المنتدى أو التعريف بنفسك لمعاينة هذه الصورة]

ومن الجمب

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
ملحوظه : شوفوا الاتنين الفاضيين دول الجبنه نزلت تحت لانهم ما كانوش محشيين كويس

عشان كده راعوا انكوا تحشوها كلها كويس

دي حته لاول واحده تعلق علي الموضوع

[ندعوك للتسجيل في المنتدى أو التعريف بنفسك لمعاينة هذه الصورة]

و من قريب

[ندعوك للتسجيل في المنتدى أو التعريف بنفسك لمعاينة هذه الصورة]

وبالف هنا وشفا علي قلوبكم يا قمرات

» تعالوا شوفوا الابداااااااااااااااع (الجزء الثالث )!!!!!!!
» تعالوا شوفوا نهاية البنت دي كانت أزاي
» شوفوا نهايه العضو الغير فعال معانا
» شاب تزوج فتاة ثم اكتشف انها ليست عذراء >>> شوفوا ايش سو‎ا
» مكياج ركزو خطوه بخطوه بالصور